插圖記

點解要咁？！係咪當一個人變成係客戶（其實今次都只算係合作）就會變得唔駛對自己講過嘅嘢負責、唔須要理人感受同專重人？可悲嘅係呢一種對人嘅唔專重，响我哋個社會已經變成一種何等普遍嘅事情！本來，對自己所做嘅決定負責係多麼的天公地義呀！幾時開始，遇到一個咁樣嘅人已經變成一種幸運？對客戶嘅呢種不負責任，大概大家都已經感到盲目，但係就連一啲自己做創作嘅人都唔例外，我真係有啲唔舒服。係咪因為呢啲事過於普遍？角色一換，大家都忘記晒責任同要專重創作者。其實响呢度已經不只一次遇到呢啲事情，一句商業決定／考慮，就可以將之前嘅所謂「決定」、甚至係協議都推倒~ 就可以置別人努力嘅成果於不顧。（我想話，我啲客都唔會咁架！我真係要對佢哋好啲！）我哋呢個地方所謂做創作嘅人真係值得其他人專重咩？可能我重係太偏執，面對呢啲事情，我都真係會訓唔着。唸清楚啲，真係無問題？真係真係無問題？希望我自己以此為鑑、時刻警惕，唔會俾你哋同化！！